Ee flotte Wee duerch de Bësch!

Ech sinn de Wee gaang, leider muss ech soen, datt just well ech mech an der Géigend auskennen, de richtege Wee fonnt hunn. Op de meeschten Kräizungen ass de wee schlecht gezeechent, an als Friemen ass een da séier verluer. Dofir ass awer um normale Wee dann bal all 100m gewisen op wat vir engem Wee een geet, schéin mee méi wichteg wier et op de Kräizungen de Wee kloer ze markéieren.
Ech sinn beim Wäschbuer fortgaang do steet eng Tafel mat S1, S2 an S1+S2. Ënnerwee fënnt een dann de Wee S3, an dann freet een sech wéi S3, gëtt et dach guer net, dann no enger Stonn am Sëllergronn fënnt een dann S1 vir eng kuerz Zäit.

Fazit:
Ee flotte Wee mee leider ganz schlecht gezeechent!

Eng kleng Anekdot:
Eng jonk Koppel kumm mir zweemol entgéint, déi éischter Kéier net wäit ewech vum Wäschbuer, déi zweete Kéier am Sëllerlach. Ech duecht lo frees de mol ops de nach ëmmer richteg bass, an du kumm direkt Äntwert "Jo, Jo, mee et muss ee schonn gutt oppassen soss verléiert een sech séier! Haaptsächlech deen Deel vum Sëllergronn laanscht de Wäschbuer ass net evident, duerno ass et bal onméiglech sech ze verlafen."

Immens schéin