 Bestëmmt huet deen een oder aneren sech schonn d'Fro gestallt, wat maachen, wann him oder sengem Hond eppes bei enger Wanderung geschitt oder wann hien eng Persoun fënnt déi Hëllef brauch. |
Heit kritt dir an e puer Wieder erkläert wéi d'IVV-Wanderungen funktionéieren.
Fir bei den Wanderungen vum „Inernationalen Volkssportverband“ IVV matzemaachen, muss een net onbedéngt an engem Veräin sinn.
Jiddereen kann bei deenen Wanderungen matmaachen, Jonker, Erwuessener, eeler Leit an awer och Nordic-Walker, Jogger an Leefer.
Dacks gesäit een op den Wanderungen ganz Familljen mat Kutsch an Hond.
Also e richtegen Vollekssport.
D’Lëtzebuerger Wandersportfederatioun FLMP mam offiziellen Numm „Fédération Luxembourgeoise de Marche Populaire“ kuckt, op iwwert eng 50 Joer laang Geschicht zréck.
Am Joer 1968, ass um Bodensee tëscht de Länner Däitschland, Schwäiz, Liechtenstein an Éisträich den IVV, den Internationale Volkssport Verband gegrënnt ginn.
Zil vun dësem Verband war et, fir de Leit sportlech Offeren unzebidden, wou et net em Leeschtung oder Zäit soll goen, mee ganz einfach nëmmen em eng gesond Beweegung.
Éischt Veräiner hunn dunn och zu Lëtzebuerg ugefaangen, ënnert den IVV-Reglementer eng Wanderung ze organiséieren.
